Blaogin'i Tsambaratelo

Etsy kely anie!

tsambaratelo — Tue, 12 Jan 2010 19:39:44 +0200

Hafatra mba tiako hozaraina aminareo namana eto ,amin'izao taona vaovao izao.Mba hiezaka hiova famindra isika, ary te hanatsara ny fiainanantsika tsirairay.Handramo kely anie izy ity e,dia ho hitanao ny vokany.Anisany nampihatra azy aho mantsy.

"Que le Sacré-coeur de Jésus soit loué, adoré, glorifié à travers le monde pour des siècle et des siècles,Amen."

Dites cette prière 6 fois/ jour pendant 9 jours et vos prières serontexaucées même si cela semble impossible.

N'oubliez pas de remercier le sacré-Coeur avec promesse de publication quand la faveur sera obtenue.

Remerciements au SACRE-COEUR pour la faveur obtennue.

HAFATRA HO ANAO RY TANIKO

tsambaratelo — Fri, 27 Nov 2009 15:52:06 +0200

Ity mba resaka tiako hosoratana aminareo izay mamaky ny lahatsoratro anio.Marihina fa taratasy azoko izy ity,koa tsy mety raha tsy mizara izay voalaza ny tenako.Tsy voatery hino anefa ianao fa ny mahagaga ahy fotsiny dia mbola misy ve ny mpaminany ankehitriny ?

Hosoratako etoana mihintsy izay voalaza ato.Izao àry :

HAFATRA HOA AN’NY MALAGASY

(Teny nampitondrain’i Jesoa mivantanat@ alalan’ny mpanompony)

1-Asaina mibebaka ny Malagasy(miala @ ratsy fanaony IITan :7-14)

*ny mpanompo sampy miala @ fanompoantsampy

*ny mpijangajanga miala @ fijangajangana

*ny mpisotro toaka miala @ fisotroan-toaka

*ny mpandainga miala @ lainga fanaony

*ny mpiloka miala @ filokana

*ny mpijejojejo tokony miala @ fijejojejoana

*ny tia ady tonga tia FIHAVANANA sytia FANDEFERANA ary afaka mifamela heloka sy afaka mitia ny fahavalony ary mivavaka ho an’izay manisy ratsy azy

*ny mpirehareha tonga manana fanetre-tena

*ny tia tena tonga tia ny namany tahaka ny tenany

*ny tsy matahotra an’Andriamanitra tonga matahotra AZY@ teny sy ny asa

*Ny matoky olona miala @ izany ka tonga matoky an’JESOA;

2- ASAINA MIVAVAKA HO AN'NY firenena ny MPINO

3- Maika Jesoa ny hanavao ny firenena Malagasy ary maika koa I Jesoa ny hanangana olona TENA MPANOMPON’ANDRIAMANITRA hitondra ny firenena.

Alohan’izany anefa dia:

-Hotanteraka ny loza sy ny fandringanana ho entin’ireo firenen-kafa ho an’izay tsy mibebaka ary hisy sisa izay hovonjena @ Malagasy dia izay tena mibebaka,Jesoa ihany no mahafantatra izany araka ny lazain’ny tenin’Andriamanitra.

-Hisy miaramila avy any ivelany hitondra loza sy fandringanana ho an’ireo Malagasy izay stsy mibebaka ary izay tena mibebaka kosa dia ho entin’I Jesoa mandositra any @ Toby,ary raha tsy tafiditra ireo miaramila ireo dia misy olona ampiasain’ny devoly ho tonga eo @ fitondrana ka hampiditra ireo fivavahana hafa hanafoan ny fivavahana Kristiana indrindra fa ny fifohazana (loza sy fandringanana koa izany)

4- sarotiny JESOA @ olomboafidin’ANDRIAMANITRA rehetra izay tsy miasa (Pasteur,Mpiandry,Môpera,Masera,presbitera,Mpitandrina,Katekista,Evanjelistra,ny vita batisa sy ny vita batemy rehetra fa tokony hikely aina fatratra @ fampibebahana ny Malagasy ny olomboafidin’ANDRIAMANITRA,mba tsy ho adinina amintsika ny ran’ny fandringanana ireo izay tsy mibebaka, izay tsy mahalala an’I JESOA sy tsy mino an’I JESOA.

Aoka ny FANAHY MASINA hitari-dalana anao sy ny ankohonanao ary ny Firenenao,indrindra ny handovantsika ny FIAINANA MANDRAKIZAY;

Ho an’Andriamanitra irery ny Voninahitra

Tsy zava-dehebe ny hiezahantsika hahafantatra ny olona nampitondran’I Jesoa ny hafatra fa ny Fitondran’Andriamanitra ao @ ireo TENINY ireo no LEHIBE

(Ezaho ny hampiely izao @ fizaranao ny fanaovanao photocopie maro)

AELEZO fa JESOA HAMALY FITIA ANAO.

Izay ary ny hafatra fa dia ny am-po mieritreritra.Hoy aho aminao fotsiny hoe:Tano mafy izay hinonao.

LASA DAHOLO NY NAMAKO

tsambaratelo — Fri, 20 Nov 2009 11:44:40 +0200

Folo taona izay no nahalasa an’ilay zandry kely. Izaho irery sisa no zanaky dada sy neny. Hatramin’ny nahalasan’ny zandry dia lahy aivo @ zanadralahin’I dada izay no mba namako,Tojo no anarany.Efa lehibe ihany koa izy.Mipetraka any ambanivohitra izy ,saingy miakatra eto Antananarivo matetika.Dia samy manana ny fiainany koa izahay,fa rehefa midina any ambanivohitra misy azy aho na koa hoe miakatra eto Tanà izy,dia miezaka ny ho tafaraka foana izahay.Any amin’iny faritra atsimo ny nosy iny no misy ny tànananay.

Miaraka mitaingina moto,na fiara ,mandeha mihinana masikita eny mahamasina, eo @ bazar du quartier,be vazivazy be izay izy ary dia mihomehy foana izahay rehefa tafaraka…Misary adala e.Irony karazana moto avo be irony ilay izy,ka natahotra aho mitaingina azy ireny.Nanariko izy t@izany saingy bandy ny tena e.Tsapako ny fitiavany an’ireny.

Samy tsy nanana sipa ihany koa izahay,dia sahy mody alina.Izy anefa koa efa lalany tokony hanambady satria efa 38 taona izy tamin’izany.Izahay mianadahy no sisa tsy manambady t@ izany fotoana izany,fa ny tanora mitovy aminay eo @ fianakaviana, efa manambady aman-janaka avokoa.Ny sasany amin-dry zareo moa dia sorena; mahita anay miaraka mivanitika @ izay tany aleha rehetra.

Nisy fotoana iray izay izy niakatra teto Antananarivo fa handeha hivory.Nifampiantso izahay hoe hanao fotoana hiarahana rehefa vita ny fivorian-dry zareo.Saingy tavela tany ampivoriana izy dia tsy raikitra ny fihaonanay.Toa alim-be vao vita ny asany ,ary voatery izy nody iny andro iny avy eo.Izy rahateo nitondra ny fiara ny lehibeny.

Tsy nihaona intsony izahay nanomboka teo.

Indray alahady maraina t@ 4ora maraina no injay nisy niantso ny findain’I neny.I neny tsy afaka nandray fa toa nandeha nitsangana izay izy ,ary izaho no taitra naheno ity antso vao maraina.Eny ambony latabatra no misy ny finday anay ka sady nanontany tena aho ,no nijery ny ora.

Nony noraisiko ny antso dia ny anadahiko no niteny tao.Izany hoe ny rahalahin’i Tojo.

Ny saiko koa toa efa ratsy foana rehefa mandray antso tsy @ ora mahazatra. Avy aho dia niteny hoe:”Fa ahoana?misy vaovao angaha?”Dia izao no navaliny: maty anio t@ 1ora sy 30 I Tojo. Nanazava teo izy,saingy efa tsy niditra ny lohako izany fa ny ranomaso no nameno ahy.

Hay izy nianjera t@ ilay moto fitaingenanay tany amin’iny faritra atsimo iny.Ary koa voason’ny fiara.,ary latsaka tany anaty hantsana. Nalahelo azy ery aho.

Roa taona izay no nahalasa an’I Tojo,ary manina ny fiarahanay aho matetika.Ankehitriny aho dia tsy manana namana hiarahana intsony.Misy zanaky ny mpiray tampo amin’ny neny fa ankizy kely daolo ary koa promotion @ zandriko no akamaroany.

Ho lazaiko hoe tsy mitovy tady dokanga angaha?? Tsy fantatro…..

Tsy mazoto intsony aho ny hidina any ambanivohitra izao.Tsy manana iray tampo hiarahana. Averiko fa misy iray tampo ihany, saingy manambady aman-janaka ry zareo,dia tsy sahiko ny manakotaba azy ireo Tamin’I Tojo mbola teo anefa dia matetika aho no midina any, indroa isan-kerinandro teo.Ankehitriny kosa, dia mamangy ny iray tampo @ dada sisa, na koa fetin’ny taranaka aho no midina..

Fa mahalana izany a. Tsindraindray.

MOMBAMOMBA AHY

tsambaratelo — Fri, 07 Aug 2009 12:25:55 +0300

Tovovavy teraka tany @ faritra atsinanana aho,t@ taona 1983,dia nipetraka eto andrenivohitra aho ankehitriny.

Maro mpiray tampo izahay fa izaho irery no vehivavy ao aminay.Mbola mpianatra eny @ anjery manontolo aho,ao @ sampana DEGS.Ny marina kokoa dia ao @ AEDM.Fa efa hamarana aho izao.

NY SAKAFO

Raha izaho aloha, tsy dia mifidy sakafo.Fa ankafiziko daolo.ny tena tiako an:-trondro (besisika endasina asiana sakamalaho ireny na koa hoe: poisson frite) -totokena sy anandrano atao rony.Tsy hoe ireo foana no laoka rehefa ao antrano a.Fa mahay karazany hafa koa aho.

NY FIALAMBOLY

Mijanona ao an-trano: inona ary no ataoko ao? mihaino mozika, mamaky boky, miresadresaka, tia mandia,tia mihomehy(izany koa no maha betsaka ny tantara mampihome ato @ blaogiko) , mandeha miantsena koa tsy adino a.

Ny zavatra horesahako eto dia ny tononkalo,ny hira,...zany hoe hiala @ mahazatra izay hita eto.

NY FIHETSIKA

Ny olona mahita ahy dia milaza fa jejo aho,kanefa tsy dia hitako loatra izany. Eny e!aiza moa hisy vehivavy tsy ho jejo @ izao vanimpotoana izao?

Vehivavy tsotra, tsy dia be teny loatra.Izany angaha no nahatonga ahy eto @ blaogy?eto aho no maresaka,satria tsy misy olona mahita ahy eto.Fa dia izaho sy ny klavie irery.

Tsy dia nahazo halavana loatra, tsy hoe fohy kely koa anefa a.

Lava volo,fotsy fihodirana,peta-korona,baribary maso...

Izay ary ny momba an'i tsambaratelo.Mino aho fa afa-po ianareo nahalala ahy.Fanahiniako mihintsy raha izao aho vao miresaka izany mba hahalalanareo ahy bebe kokoa.

FALY AHO MANDRAY TANANA ANAO IZAY MAMAKY NY BLAOGIKO