Blaogin'i Tsambaratelo

 Ity misy hevitra mahasoa.Asa raha efa naheno ity resaka ity ianareo fa azo atao tsara ny tantely sy vovona canelle afangaroizay sahaza ny tarehanao (atao pâte),ary dia hosorana@ tarehy mandritra ny 2 herinandro eo.Ny tsaratsara dia entina matory ary maraina vao sasana,kanefa maditidity be io,angamba sorena ilay vady malala .Fa aleo mahavatra @ hariva alohan' ny hatory.

Ho hitanao àry fa hadio ny tarehy raha misy mony.

Efa nanoro hevitra teto ihany aho fa toa tsy nahomby.

 Ô RY ALINA

Ô ry alina mangina

mitondra fisainana

Ho an'ny olo-manan-tsaina

Inona no vita omaly ?

nolalovana ny anio

Hanao ahoana ny ampitso?

Ô ry alina

Ô ry alina mampieritreritra

mampitaintaina ny ho avy

Ô ry alina...

Soa fa mandalo ty ianao

ka tsy handry izay hahamaraina

Toa mandrisika ahy hiezaka

ary hisondrotra hatrany

Fa tsy hitoe-poana

mbola hibanjina ny efa lasa.

                                                         Tsambaratelo ny 23-10-2009

Miarahaba anareo tsirairay ny tenako.Miala tsiny aho raha izao indray vao afaka hitafa aminareo,fa somary nisitaka vetivety.

Raha nahatsikaritra ianareo dia nisy Tononkalo nosoratan'i Rado vitsivitsy naveriko nosoratana teto.

Io no tiako hahatongavana manaraka eto.

-o--o-o--o-

FALY MIARAHABA AN'I RADO AHO ANKEHITRINY NAHATRATRA NY FAHATSIAROVANA NY TSINGERINTAONY.

*Anarana: ANDRIAMANANTENA

*Fanampin'anarana: Georges

*Teraka tamin'ny: 01 Oktobra 1923

*Ray: ANDRIAMANANTENA Gaston,Mpitandrina (efa maty)

*Reny: RAZAFINDRAFARA (efa maty)

Marina tokoa fa tsy eo intsony izy,nefa inona moa no mahadiso raha mba mahatsiaro azy isika rehetra.

Indrindra fa ho an'ireo taranaka izay navelany:

                   Vady: RAVOLOLONA Edwige

                  Zanaka: 4 vavy,2 lahy

                  Zafikely: 13 mianadahy

                  Zana-jafy: 8 mianadahy

Maro tokoa mantsy ny soa sy ny anatra azo avy tamin'ny sangan'asan'i Rado;

koa isaorana Jesoa Kristy izay nanome antsika ny andro nifaneraserantsika tamin'i Rado tety ambon'ny tany.Misaotra hatrany tamin'ireo tonon-bavaka nosoratany, izay nampionona sy nampahery ny ankohonanay

Mino izahay mpankafy an'i Rado fa mbola hisy hanohy ny sangan'asany avy amin'ireo taranany.

Misaotra tompoko

Tsy eto intsony mantsy ianao

Fa lasa any, any ambony any

Dia tsy ho adino velively

Satria ,satria namela teny mamy

Ny mpankafy tsy manadino

ary koa tsy hanadino

Fa toa akaikin'ny fo hatrany

Raha vao mamaky irony asa

Dia i Rado no mby ao an-tsaina.

                                                        06-10-2009

                                                    Ai-baliaka

ALAHELOVY

Alahelovy aho aky rehefa malomaloka andro!

Tsisy antony hoe ahoana fa dia alahelovy fotsiny

Dia angalaro jery kely ao anaty boky any

'Lay sariko nafeninao...Dia mitsera kely monja!

Mba tonony aky ny anarako isaky ny mahatsiaro!

Indrindra moa raha misy hafa te hangalatra ny toerako

Aza asiana feo anefa fa tonony am-po mangina 

Hankahery ilay fitia tsy ho folaky ny sedra!

Izany mantsy no fanaoko rehefa malahelo anao

Ary satriko ho izany no hifanahafantsika

Iriko mihoatra izany aza hisy hitatitra amiko hoe:

"Nalahelo ahy ianao,efa hateloana izay"

RADO

(Mey 1996)

Ny vehivavy tokoa no tarihina hanao izao.Nefa mety ho an'ireo lehilahy ihany koa raha toa ianao ka jejojejo.Mba tsambaratelo-tsika eto @ blaogy izy ity.Afaka handramanao koa anefa fa tsy dia sarotra be manao ahoana.Toro hevitra hahasoa ny tenantsika.Efa maro ireo vehivavy nanaraka izao,ny masoko no nahita fa tsara ary dia efa nanao azy ity aho.Izao ary fa sao sosotra ianareo e.

-savony nosy(rapé)  sy tantely afangaro ireo.Atao @ tarehy mandritran'ny 30 minitra eo.

Avy eo sasana @ savony baobab.

Marihina fa ny hahitana io savony baobab io dia eny @ homeopharma.Atao isan'andro anaty 1volana/avy eo in-2 isan-kerinandro.Arakaraka ny fiovana hitanao.

Ilazao aho raha nahahomby