Ho fahatsiarovana an'i Georges ANDRIAMANANTENA na i RADO
ANTSO
Antsoiko ianao mba hahatsiaro ireo malala ireo
Ary hangina iray minitra dia hanonona ny anarany
Saingy ataovy tsy ankiteny ary aza asiana feo
fa izay dia efa ampy hamakianao ny tantarany
RADO
14-05-1995
Misaotra an'i Rado manokana aho t@ nanoratany ity dia penina ity fa mahakasika ahy manokana mantsy.Ary raha vao vantany mamaky ity soratra ty ilay olona izay,dia fantany avy hatrany ny tiako hambara.Ary nifanaovantsika izy ity ary mino aho fa mbola hitohy izany.E?! ho an'ny malalako izay 'ty a.
TIAVIKO MANGINA
Tiaviko mangina ianao, nefa tsisy mpahalala
Ary ianao mihintsy aza tsy hahafantatra fa tiako
Tononiko ny anaranao dia ampiako hoe "malala"
Saingy tsy asiako feo fa izany no hafaliako.
Ny toerana ihaonantsika?Ao an'eritreritro ao
Tsy sembanin'iza n'iza na izay mpitsongo dia
Ao manarampo ny foko raha manoroka anao
Sady mitantana mora ny hafenoan'ilay fitia
Vao mamaky ity ianao,ka manontany tena hoe:
"Sao izaho kosa ity voasorany eto ity?"
-Tena ianao mihitsy fa za asiana resabe
Satri vao manontany tena dia efa raisiko fa tia.
Rado
(Mey 2000)
Anisan'ny mpankafia ny tononkalo nosoratan'i Rado aho,ka mamelà ahy ianareo haneho ny sangan'asany.Mino aho fa maro ianareo ny manka mamy ny asa sorany.Ny volana oktobra mantsy ny tsingerintaonany ka mba mahatsiaro ny tena dia mba nanoratra ny asany kely. tsy maninona ve?
RESAKY NY FO
Tsela-jery vitsy monja no nifanomezantsika
Dia efa samy nahatsapa embonembona mifoha
Tsisy resaka na teny, nefa fantatra tsy adika
f'ireny topimaso ireny dia efa resaky ny fo
(18 oktobra 1997)
ANY IANAO?
Raha mbola any ianao
Aza manadino
Fa manina ny aty
Ny sakaiza mbola tia
Raha mbola any ianao
Iangaviako tsy hanadino
Ny fiarahana fahiny
Raha any ianao
ka izaho aty
Izaho tsy hanadino
Ny tontolo-tsika roa
aibaliaka
(10-03-09)
NY MARAINA
'Ty aho ka mifoha maraina
Vaka ny saina,manontany tena
Hay mbola velona
Dia tsiky ny maraina
handeha hidera sy hankalaza
hasandrato ny hoby,hasandrato ny feo
handeha hihira,handeha hiantso
Fa tonga ny maraina
maraim-baovao
Misaotra ry Tompo
Tody soa ny maraina
Faly ny fo fa,
andro vaovao
Andro tena soa.
Miderà ry zava-boaary
Miderà ry tontolo
Miderà ry tany
Ry manam-pofon'aina
sy olom-boavonjy
Ai-balika (10-03-09)
Ity misy tononkalo iray,vetso-po izy ity.Mba ho mariky ny Tanindrazantsika.
RY TANIKO
Ry Taniko,izay mamiko
Lalaiko tsy foiko satria,
Tao no nipoirako.
Misaotra Anao aho,nanome ny fireneko
Misaotra Anao aho,nanome teny ifandraisako,
raha tsy teo Ianao
dia tsy ary akory aho
Raha tsy teo Ianao
Tsy ary koa ny Taniko,
Raha tsy teo Ianao
Tsy nisy koa ny teniko
Fa soa, soa fa nisy Anao
Soa,fa eo Ianao
Nanao izao rehetra izao
Ry teniko lalaiko,
Tsara voatra, tsara ranty
Tsy misy mamiko mihoatra anao aty
Ry Taniko tsy foiko
Marary ny aiko,
maratra ny foko,
Mitomany ny mas
manjombona ny andro
raha misy manjo anao
Ianao ilay Fireneko
Balika(28-05-09)
