TSIKY KELY Ô

Nampidirin'i tsambaratelo | 23 Jol, 2009
 
PASITERA
 
X:  Malaza tia vola be hono Pasitera ao aminareo io an!
 
Y: zany ihany no tsy handefasako miangona intsony an'iny vadiko iny!
 
X: fa maninona teitsy?
 
Y: Ka Vola anie no anaran'ny vadiko e!
 
 
 
 
 
NANINONA?
 
Neny: fa maninona ianao no mitomany?
 
kiki: Nidona t@ varavarana ny lohan'i dada
 
Neny: izany ve dia hampitomany fa tsy vao mainka aza mampihomehy?
 
Kiki: Ka efa nihomehy be mihitsy aho fa nofelahany kah.

Post ao anatin'ny Ankapobeny | Hevitra (7) | Verindrohy (trackback) (0)

MOMBAMOMBA AN'I TSAMBARATELO

Nampidirin'i tsambaratelo | 16 Jol, 2009

 

        Tovovavy teraka tany @ faritra atsinanana aho,t@ taona 1983,dia nipetraka eto        andrenivohitra aho ankehitriny.

Maro mpiray tampo izahay fa izaho irery no vehivavy ao aminay.Mbola mpianatra eny @ anjery manontolo aho,ao @ sampana DEGS.Ny marina kokoa dia ao @ AEDM.Fa efa hamarana aho izao.

NY ANARAKO

Tsiambaratelo no nataoko anarako,saigy lava be loatra dia tsy tafiditra.Dia nataoko hoe tsambaratelo io.fa dia samy manao ny anarany hanaitra ny olona no nosafidiako azy io.

Iray ihany i tsambaratelo sy Ai-baliaka,izay hanoratra ny tononkalo eto.;sao ianao gaga.

 

 

NY SAKAFO

      Raha izaho aloha, tsy dia mifidy sakafo.Fa ankafiziko daolo.ny tena tiako an:-trondro (besisika endasina asiana sakamalaho ireny na koa hoe: poisson frite)  -totokena sy anandrano atao rony.Tsy hoe ireo foana no laoka rehefa ao antrano a.Fa mahay karazany hafa koa aho.

 

 

NY FIALAMBOLY

      Mijanona ao an-trano: inona ary no ataoko ao?    mianatra lesona,  mihaino mozika,  mamaky boky, miresadresaka, tia mandia,tia mihomehy(izany koa no maha betsaka ny tantara mampihome ato @ blaogiko) , mandeha miantsena koa tsy adino a.

 

 

 NY FIHETSIKA

Ny olona mahita ahy dia milaza fa jejo aho,kanefa tsy dia hitako loatra izany. Eny e!aiza moa hisy vehivavy tsy ho jejo @ izao vanimpotoana izao?

      Vehivavy tsotra, tsy dia be teny loatra.Izany angaha no nahatonga ahy eto @ blaogy?eto aho no maresaka,satria tsy misy olona mahita ahy eto.Fa dia izaho syny klavi irery.

      Tsy dia nahazo halavana loatra, tsy hoe fohy kely koa anefa a.

      Lava volo,fotsy fihodirana,peta-korona,baribary mas

 

FIFANDRAISANA

Raha te hifandray amiko ary ianao dia manoratà eto

                                [email protected]

 

 

  Izay ary ny momba an'i tsambaratelo.Mino aho fa afa-po ianareo nahalala ahy.Fanahiniako mihintsy raha izao aho vao miresaka izany mba hahalalanareo ahy bebe kokoa.

 

FALY AHO MANDRAY TANANA ANAO IZAY MAMAKY NY BLAOGIKO

 

Post ao anatin'ny Ankapobeny | Hevitra (12) | Verindrohy (trackback) (0)

MBA AHOANA NO HITONDRANA TENA TSARA

Nampidirin'i tsambaratelo | 16 Jol, 2009
MBA AHOANA NO HITONDRANA NY TENANAO HO TSARA?
 
 
 
Ho anao tanora namana
aza adino ny lalàny
Ny fonao aoka hitandrina ny didiny
Fa andro sy taona ela no hiainana 
Dia atolony anao ny fiadanana
 
Ho anao sakaiza tia
ny famindram-po sy fahamarinana
no aoka hitoetra ao aminao
Ka hazony sy fatory
ho ao anatinao
dia hahazo fahalalana ombam-pitia
Eo @ ilay Mpahary, eo @ olona
 
Matokia Azy @ ny fonao ianao
Ary aza miankina @ fahalalanao
maneke Azy @ halehanao
Fa jehovah handamina ny làlanao
 
Aza manao ny tenanao ho hendry
fa matokia an'i Jehovah
ka mifadia ny ratsy
dia ho velombelona ny nofonao
 
Mankalazà an'i Jehovah @fanananao
sy izay rehetra eo aminao
dia ho feno sy tanteraka 
ny vata fitehirizanao
 
Ry tanora sy sakaiza
aza tofoka,aza reraka
ny fananaran'ilay Nahary
fa izay tia Azy no anariny
tahaka ny ray @ zanaka tiany
 
 
                                                                       [email protected]
                                                                      14-07-09

Post ao anatin'ny tononkalo | Hevitra (0) | Verindrohy (trackback) (0)

TONONKALO

Nampidirin'i tsambaratelo | 14 Jol, 2009

 

 NY MARAINA

 

          'Ty aho ka mifoha maraina

           Vaka ny saina,manontany tena

           Hay mbola velona

           Dia tsiky ny maraina

 

 

handeha hidera sy hankalaza

hasandrato ny hoby,hasandrato ny feo

handeha hihira,handeha hiantso 

Fa tonga ny maraina

maraim-baovao

 

 

             Misaotra ry Tompo

             Tody soa ny maraina

             Faly ny fo fa,

             andro vaovao

             Andro tena soa.

 

 

Miderà ry zava-boaary

Miderà ry tontolo

Miderà ry tany

Ry manam-pofon'aina

sy olom-boavonjy

 

                                                                                                          Ai-balika (10-03-09)

 

 

Post ao anatin'ny tononkalo | Hevitra (10) | Verindrohy (trackback) (0)