Ho fahatsiarovana an'i Georges ANDRIAMANANTENA na i RADO
ANTSO
Antsoiko ianao mba hahatsiaro ireo malala ireo
Ary hangina iray minitra dia hanonona ny anarany
Saingy ataovy tsy ankiteny ary aza asiana feo
fa izay dia efa ampy hamakianao ny tantarany
RADO
14-05-1995
Miarahaba anareo tsirairay ny tenako.Miala tsiny aho raha izao indray vao afaka hitafa aminareo,fa somary nisitaka vetivety.
Raha nahatsikaritra ianareo dia nisy Tononkalo nosoratan'i Rado vitsivitsy naveriko nosoratana teto.
Io no tiako hahatongavana manaraka eto.
-o--o-o--o-
FALY MIARAHABA AN'I RADO AHO ANKEHITRINY NAHATRATRA NY FAHATSIAROVANA NY TSINGERINTAONY.
*Anarana: ANDRIAMANANTENA
*Fanampin'anarana: Georges
*Teraka tamin'ny: 01 Oktobra 1923
*Ray: ANDRIAMANANTENA Gaston,Mpitandrina (efa maty)
*Reny: RAZAFINDRAFARA (efa maty)
Marina tokoa fa tsy eo intsony izy,nefa inona moa no mahadiso raha mba mahatsiaro azy isika rehetra.
Indrindra fa ho an'ireo taranaka izay navelany:
Vady: RAVOLOLONA Edwige
Zanaka: 4 vavy,2 lahy
Zafikely: 13 mianadahy
Zana-jafy: 8 mianadahy
Maro tokoa mantsy ny soa sy ny anatra azo avy tamin'ny sangan'asan'i Rado;
koa isaorana Jesoa Kristy izay nanome antsika ny andro nifaneraserantsika tamin'i Rado tety ambon'ny tany.Misaotra hatrany tamin'ireo tonon-bavaka nosoratany, izay nampionona sy nampahery ny ankohonanay
Mino izahay mpankafy an'i Rado fa mbola hisy hanohy ny sangan'asany avy amin'ireo taranany.
Misaotra tompoko
Tsy eto intsony mantsy ianao
Fa lasa any, any ambony any
Dia tsy ho adino velively
Satria ,satria namela teny mamy
Ny mpankafy tsy manadino
ary koa tsy hanadino
Fa toa akaikin'ny fo hatrany
Raha vao mamaky irony asa
Dia i Rado no mby ao an-tsaina.
06-10-2009
Ai-baliaka
Misaotra an'i Rado manokana aho t@ nanoratany ity dia penina ity fa mahakasika ahy manokana mantsy.Ary raha vao vantany mamaky ity soratra ty ilay olona izay,dia fantany avy hatrany ny tiako hambara.Ary nifanaovantsika izy ity ary mino aho fa mbola hitohy izany.E?! ho an'ny malalako izay 'ty a.
TIAVIKO MANGINA
Tiaviko mangina ianao, nefa tsisy mpahalala
Ary ianao mihintsy aza tsy hahafantatra fa tiako
Tononiko ny anaranao dia ampiako hoe "malala"
Saingy tsy asiako feo fa izany no hafaliako.
Ny toerana ihaonantsika?Ao an'eritreritro ao
Tsy sembanin'iza n'iza na izay mpitsongo dia
Ao manarampo ny foko raha manoroka anao
Sady mitantana mora ny hafenoan'ilay fitia
Vao mamaky ity ianao,ka manontany tena hoe:
"Sao izaho kosa ity voasorany eto ity?"
-Tena ianao mihitsy fa za asiana resabe
Satri vao manontany tena dia efa raisiko fa tia.
Rado
(Mey 2000)
ALAHELOVY
Alahelovy aho aky rehefa malomaloka andro!
Tsisy antony hoe ahoana fa dia alahelovy fotsiny
Dia angalaro jery kely ao anaty boky any
'Lay sariko nafeninao...Dia mitsera kely monja!
Mba tonony aky ny anarako isaky ny mahatsiaro!
Indrindra moa raha misy hafa te hangalatra ny toerako
Aza asiana feo anefa fa tonony am-po mangina
Hankahery ilay fitia tsy ho folaky ny sedra!
Izany mantsy no fanaoko rehefa malahelo anao
Ary satriko ho izany no hifanahafantsika
Iriko mihoatra izany aza hisy hitatitra amiko hoe:
"Nalahelo ahy ianao,efa hateloana izay"
RADO
(Mey 1996)
Anisan'ny mpankafia ny tononkalo nosoratan'i Rado aho,ka mamelà ahy ianareo haneho ny sangan'asany.Mino aho fa maro ianareo ny manka mamy ny asa sorany.Ny volana oktobra mantsy ny tsingerintaonany ka mba mahatsiaro ny tena dia mba nanoratra ny asany kely. tsy maninona ve?
RESAKY NY FO
Tsela-jery vitsy monja no nifanomezantsika
Dia efa samy nahatsapa embonembona mifoha
Tsisy resaka na teny, nefa fantatra tsy adika
f'ireny topimaso ireny dia efa resaky ny fo
(18 oktobra 1997)
